"ქართული ოცნება" ბიძინა ივანიშვილის ქონების დასაცავად დაირაზმა. მმართველი პარტიის წევრებს საერთო დირექტივა აქვთ - გააკეთონ ყველაფერი, რომ ოლიგარქი სანქციებს გადაურჩეს და მის მილიარდებს არაფერი დაემუქროს.
სახელისუფლებო კლანის რიტორიკის მთავარი მოტივი ივანიშვილის ქველმოქმედების ხაზგასმაა. "ოცნების" ლიდერები იმის მტკიცებასაც კი არ არიდებიან, რომ თითქოსდა ოლიგარქი ქონების უდიდეს ნაწილს ქველმოქმედებაში ხარჯავს.
მაგრამ ფაქტები საპირისპიროზე მეტყველებს. ივანიშვილების ოჯახის ქონება საქართველოში განუზომლად იზრდება და დასავლელი პარტნიორებისთვის, რომლებიც სანქციების პაკეტზე მუშაობენ, "ქართული ოცნების" გულუბრყვილო რიტორიკას მნიშვნელობა არ აქვს.