NATO-ს გენერალური მდივნის მოადგილის თქმით, საქართველოს ლიდერები ივნისში ალიანსის სამიტზე მიწვეული იქნებიან. როგორც მან აღნიშნა საქართველო NATO-ს მნიშვნელოვანი პარტნიორია. 

"NATO ყოველთვის პატივს სცემს სხვა ქვეყნების უფლებას ევროპასა და მთელს მსოფლიოში, რომ აირჩიონ თავიანთი გზა. ეს არავის ვეტოს საკითხი არაა, ეს განხილვა ეხება ქვეყანასა და ორგანიზაციას, რომელში გაწევრიანებაც მას სურს.
საქართველო ჩვენთვის გაძლიერებული შესაძლებლობების პარტნიორია, ჩვენ მასთან წლების განმავლობაში ვმუშაობდით და მე ასევე ვიცი, რომ საქართველოს ლიდერები NATO-ს სამიტზე მიწვეულები იქნებიან. NATO-სთვის ღია კარის პოლიტიკა ხელშეუხებელი რჩება და შემიძლია ვთქვა, რომ საქართველო ძალიან მნიშვნელოვანი პარტნიორია",-თქვა მან.