რუსების მორიგი აღიარება სამხედრო დანაშაულზე - უკრაინის უსაფრთხოების სამსახურის მიერ მოპოვებული ჩანაწერიდან ირკვევა, რომ ოკუპანტები საერთაშორისო კონვენციებით აკრძალულ იარაღს იყენებენ, ბრძანება კი უშუალოდ კრემლიდან მოდის.

"ვურტყამთ და ვურტყამთ. იქ არიან ბუნკერებში. ბევრნი არიან, არც დანებება უნდათ და არც გარეთ გამოდიან. ნელნელა ვურტყამთ. ყველანი ველოდებით ვალოდკას როდის ამოუვა ყელში ყველაფერი, ჯარებს გაიყვანს აქედან და "ტოპოლებით" დაარტყამს. ისე რაც აკრძალულია კონვენციით, ყველაფერი გვაქვს და ვიყენებთ: კასეტურებსაც, ფოსფორულებსაც" - ამბობს ერთ-ერთი ოკუპანტი. 

ფოსფორული ბომბების გამოყენების ფაქტი დაფიქსირდა დღესაც. აზოვსტალი სწორედ ამ ჭურვებით დაბომბეს.