უკრაინის შეიარაღებულმა ძალებმა ჩერნიგოვის რეგიონში 5 დასახლება გაათავისუფლეს დამპყრობლებისგან და დაატყვევეს ორი ჯავშანტრანსპორტიორი. ამის შესახებ უკრაინული მედია UNIAN ოპერატიული სარდლობა „ჩრდილოეთის“ მიერ გავრცელებულ ინფორმაციაზე დაყრდნობით წერს.
როგორც ინფორმაციაში ვკითხულობთ, რუსეთის ფედერაციის ქვედანაყოფებს არ შეუძლიათ, სრულად ჩაატარონ საბრძოლო მოქმედებები და ოფიცრებს შორის პანიკაა.
„ჩვენ გვაქვს უკრაინის სახელმწიფო დროშები ჩერნიგოვის რეგიონში და ორი ჯავშანტრანსპორტიორი, რომლებიც ახლა უკრაინელი ხალხის საკეთილდღეოდ გამოიყენება“, - აღნიშნა უკრაინელმა მებრძოლმა.
მანამდე უკრაინის შეიარაღებულმა ძალებმა ხარკოვის ოლქის დერგაჩიდან რუსი დამპყრობლები განდევნეს და ტერიტორიას მთლიანად აკონტროლებენ.