მსოფლიომ არ უნდა დაუშვას ისეთი ტრაგიკული შეცდომების განმეორება, როგორიც მოხდა 2008 წელს საქართველოში- ზელენსკი
ევროპამ და მსოფლიომ არ უნდა დაუშვას ისეთი ტრაგიკული შეცდომების განმეორება, როგორიც მოხდა 2008 წელს საქართველოში, – ამის შესახებ უკრაინის პრეზიდენტმა, ესტონეთის რესპუბლიკის პრეზიდენტ ალარ კარისთან შეხვედრის შემდეგ ისაუბრა.
„ჩვენ ვიზიარებთ საერთო შეხედულებას, რომ რუსეთის ესკალაცია უკრაინის გარშემო უპრეცედენტო გამოწვევაა ევროპისა და ზოგადად მსოფლიოსთვის. სწორედ უკრაინაში წყდება ევროპის უსაფრთხოების მომავალი, რომლის ნაწილიც უკრაინაა.ევროპამ და მსოფლიომ არ უნდა დაუშვას ისეთი ტრაგიკული შეცდომების განმეორება, როგორიც მოხდა 2008 წელს საქართველოში“, - განაცხადა უკრაინის სახელმწიფოს მეთაურმა.ზელენსკიმ კიდევ ერთხელ ხაზგასმით თქვა, რომ რუსეთის ფედერაციის გადაწყვეტილება, აღიაროს დონეცკისა და ლუგანსკის ოლქების დროებით ოკუპირებულ ტერიტორიებზე მოქმედი ტერორისტული ჯგუფები, არის უკრაინის წინააღმდეგ აგრესიის კიდევ ერთი გამოვლინება და მოითხოვს დაუყოვნებლივ რეაგირებას პარტნიორებისგან, მათ შორის, მკაცრი სანქციების დაწესებით.