შეერთებული შტატების ყოფილი პრეზიდენტი, დონალდ ტრამპის თქმით, იმედგაცრუებულია, რომ ამჟამინდელმა პრეზიდენტმა, ჯო ბაიდენმა ჟენევაში სამიტის დროს გამარჯვებას ვერ მიაღწია, მაშინ როცა მისი აზრით, იმ დღეს პუტინი და რუსეთი დომინირებდნენ.
დონალდ ტრამპმა ჟენევაში გამართულ ბაიდენი-პუტინის შეხვედრაზე Foxnews-ის გადაცემაში ისაუბრა.

"ვფიქრობ, რუსეთისთვის კარგი დღე იყო. არ მგონია, რომ ჩვენ იქიდან რამე მივიღეთ",- თქვა ტრამპმა.

აშშ-ისა და რუსეთის პრეზიდენტები ერთმანეთს ჟენევაში გუშინ 16 ივნისს შეხვდნენ. შეხვედრის დასრულების შემდეგ მათ ერთობლივი განცხადება გაავრცელეს, რომელშიც საუბარი მათ სამომავლო თანამშრომლობასა და სტრატეგიულ ურთიერთობას შეეხებოდა.