ნიკა მელია - "იქ [პარლამენტში] საბრძოლველად შევდივართ... ეს არის პოლიტიკოსის ხვედრი"
"იქ [პარლამენტში] საბრძოლველად შევდივართ... ეს არის პოლიტიკოსის ხვედრი" - ამის შესახებ "ერთიანი ნაციონალური მოძრაობის" თავმჯდომარემ, ნიკა მელიამ "მთავარი არხის" ეთერში, გადაცემაში "მთავარი აქცენტები" ისაუბრა.
მისი თქმით, ეს გადაწყვეტილება პარტიის წევრებმა მიიღეს იმ მიზნით, რომ "ბიძინა ივანიშვილს არ დაუტოვონ კომფორტის არცერთი ზონა".
მისი თქმით, ეს გადაწყვეტილება პარტიის წევრებმა მიიღეს იმ მიზნით, რომ "ბიძინა ივანიშვილს არ დაუტოვონ კომფორტის არცერთი ზონა".
ახალ რეალობაში და ახალ მოცემულობაში ეს [პარლამენტში არშესვლა] იქნებოდა დიდი ფუფუნება ბიძინა ივანიშვილისთვის. ჩვენ როდესაც ვსაუბრობთ, თუ რა გადაწყვეტილება მიიღო დღეს "ნაციონალურმა მოძრაობამ" და ბლოკმა "ძალა ერთობაშია", ძალიან კარგად უნდა გვესმოდეს, რომ ჩვენ საპარლამენტო საქმიანობას ვიწყებთ, ასე კი არ ვსაუბრობთ, ჩვენ იქაც კი ვაგრძელებთ ბრძოლას, სადაც არის საბრძოლველი. მოედნებზე, ქუჩებში, აჭარის უმაღლეს საბჭოში, საკომიტეტო სხდომებზე და ა.შ, - ამბობს ნიკა მელია.