ნატო-ს გენერალური მდივნის, იენს სტოლტენბერგის განცხადებით, რუსეთი საზღვარგარეთ ძირს უთხრის და დესტაბილიზაციას ახორციელებს მეზობელ ქვეყნებში, მათ შორის საქართველოშიც. ამ თემაზე მან მინისტერილის შემდეგ ისაუბრა. 

"საზღვარგარეთ რუსეთი ძირს უთხრის და დესტაბილიზაციას უწევს მის მეზობლებს, მათ შორის უკრაინას, საქართველოს და მოლდოვას რესპუბლიკას. იგი მხარს უჭერს ბელორუსის დარბევას და ცდილობს ჩაერიოს დასავლეთ ბალკანეთის რეგიონში.

რუსეთი აგრძელებს ფართო მასშტაბის სამხედრო დანაზოგებს. ბალტიიდან შავი ზღვისკენ, შუა აღმოსავლეთში და ჩრდილოეთ აფრიკაში, ხმელთაშუა ზღვიდან არქტიკაში", - თქვა იენს სტოლტენბერგმა.

მისი განცხადებით, რუსეთში ისევ გრძელდება პოლიტიკური დისიდენტების წინააღმდეგ ჩაგვრა. სოლტენბერგმა კიდევ ერთხელ მოუწოდა რუსეთს დაუყოვნებლივ გაათავისუფლონ ნავალნი და სხვა მშვიდობიანი აქტივისტები.
სტოლტენბერგის განცხადებით, რუსეთის ქმედებების საპასუხოდ, NATO-მ კოლექტიური თავდაცვა გააძლიერა, გააუმჯობესა ჰიბრიდული და კიბერთავდაცვა. მისი თქმით, გრძელდება თანამშრომლობა ევროკავშირთან და სხვა პარტნიორებთან, რათა დარწმუნებულები იყვნენ, რომ ერთად უპასუხებენ რუსეთის ქმედებებს.