პაპუაშვილს საკონსტიტუციო ცვლილების მისაღებად მინიმუმ 17 დეპუტატის პარლამენტში შესვლა სურს
"ქართული ოცნების" დეპუტატის, შალვა პაპუაშვილის განცხადებით, პარლამენტში მათ მიერ დაინიცირებული კანონპროექტების მისაღებად, საჭიროა სულ მცირე 17 დეპუტატი საკანონმდებლო ორგანოში შევიდეს.
მისი თქმით, ოპოზიციის იმ ნაწილმა, რომელიც პარლამენტში არ შედის საჭიროა გაიაზროს ცვლილებების მნიშვნელობა ქვეყნის დემოკრატიული განვითარებისთვის და გახდეს დემოკრატიული განვითარების მონაწილე.
მისი თქმით, ოპოზიციის იმ ნაწილმა, რომელიც პარლამენტში არ შედის საჭიროა გაიაზროს ცვლილებების მნიშვნელობა ქვეყნის დემოკრატიული განვითარებისთვის და გახდეს დემოკრატიული განვითარების მონაწილე.
"როგორც იცით, ამ ცვლილებებს სჭირდება პარლამენტის 113 წევრის ხმა. დღევანდელი მდგომარეობით პარლამენტის წევრის მანდატს 96 დეპუტატი ახორციელებს. შესაბამისად, იმისთვის, რომ ეს ცვლილებები განხორციელდეს საჭიროა პარლამენტს გარეთ მყოფი სულ მცირე 17 დეპუტატის მიერ საკუთარი ამომრჩევლის და ქვეყნის წინაშე პასუხისმგებლობის გააზრება და ქვეყნის დემოკრატიულ განვითარებაში მონაწილეობის მიღება", - თქვა შალვა პაპუაშვილმა.პარლამენტში დაინიცირებულია კანონპროექტი, რომლის მიხედვითაც 2024 წელს საარჩევნო ბარიერი 5%-დან 3%-მდე იქნება. მეორე ცვლილებით კი ფრაქციის შექმნისთვის საჭირო წევრების რაოდენობა 2020 და 2024 წლის მოწვევის პარლამენტებში 7-დან 4-მდე დაიწევს. ეს მემორანდუმი "ქართულმა ოცნებამ" და "მოქალაქეებმა" გააფორმეს.