გამოდის, რომ კობახიძემ ამ განცხადებით სისტემა გააშიშვლა - დიმიტრი საძაგლიშვილი
"ერთიანი ნაციონალური მოძრაობის" თავმჯდომარის, ნიკა მელიას ადვოკატი "მთავარი არხის" ეთერში, გადაცემაში "მთავარი დებატები", ირაკლი კობახიძის განცხადებას გამოეხმაურა. დიმიტრი საძაგლიშვილი ამბობს, რომ კობახიძემ თავისი განცხადებით სისტემა გააშიშვლა.
ცნობისთვის, ნიკა მელიას მოსამართლე ნინო ჩახნაშვილმა აღკვეთი ღონისძიების სახით პატიმრობა 2021 წლის 17 თებერვალს, 22:00 საათის შემდეგ შეუფარდა.
გამოდის, რომ ამ განცხადებით საერთოდ გააშიშვლა სისტემა ირაკლი კობახიძემ და განსაკუთრებული უპატივცემულობა გამოაჩინა იმ მორჩილი ადამიანების მიმართ, რომელსაც სისტემა უკანონო მიზნების მისაღწევად იყენებს, ამ შემთხვევაში ვგულისხმობ მოსამართლე ჩახნაშვილს, - თქვა საძაგლიშვილმა."ქართული ოცნების" თამჯდომარემ, ირაკლი კობხიძემ გუშინ, 13 მარტს თქვა, რომ გიორგი გახარიამ "ნაციონალური მოძრაობის" ლიდერის, ნიკა მელიას დაკავებასთან დაკავშირებით გადაწყვეტილება 17 თებერვალს, საღამოს შეცვალა. მისი თქმით, იმჟამინდელ პრემიერმინისტრს მელიას დაკავების რამდენიმე დღით გადადება სურდა. კობახიძე ამბობს იმასაც, რომ "ოცნების" წევრებისთვის გახარიას ეს არგუმენტი მყარი არ აღმოჩნდა.
ცნობისთვის, ნიკა მელიას მოსამართლე ნინო ჩახნაშვილმა აღკვეთი ღონისძიების სახით პატიმრობა 2021 წლის 17 თებერვალს, 22:00 საათის შემდეგ შეუფარდა.