ღარიბაშვილის პრინციპულობა ჩვენთვის არის ძალიან კარგი იარაღი თითქმის ყველა თემაში - მე მის გვერდით ვდგავარ სწორედ მისი პრინციპულობის იმედად ყოველთვის,- ამის შესახებ საპარლამენტო უმრავლესობის წევრმა სოზარ სუბარმა ჟურნალისტებთან განაცხადა, რითაც უპასუხა კითხვას, ხომ არ ჩამოაშორეს დიალოგის პროცესს ღარიბაშვილი მისი სიხისტის გამო.
სუბარის თქმით, ის არაფერს ჩამოშორებია და რასაც სიხისტეს უწოდებენ, ეს სინამდვილეში პრინციპულობაა. ის ასევე ხაზს უსვამს, რომ მოლაპარაკებებში მონაწილეობა არც მის წინამორბედ პრემიერ-მინისტრებს მიუღიათ.
„ირაკლი ღარიბაშვილი არის ჩვენი გუნდის ერთ - ერთი გამორჩეული ლიდერი, მთავრობის ხელმძღვანელი და მისი პრინციპულობა ჩვენთვის არის ძალიან კარგი იარაღი თითქმის ყველა თემაში. ასე რომ, რასაც თქვენ სიხისტეს უწოდებთ, ეს არის სინამდვილეში პრინციპულობა. ის არაფერს ჩამოშორებია, ყველა მოლაპარაკებებში ჩვენ ვართ ერთად. ის დღეს შეხვდა ბატონ დანიელსონს, ილაპარაკეს და კონკრეტულ თემას ვინ წარმართავს - აქამდეც არ ყოფილა არც ერთი პრემიერ-მინისტრი ამ მოლაპარაკებებში“, - განაცხადა სუბარმა.