გაათავისუფლეთ პოლიტპატიმრები, რურუა და მელია - ევროპარლამენტარი მარკეტა გრეგოროვა
გაათავისუფლეთ პოლიტპატიმრები, რურუა, ვინც 8 მარტის შეთანხმებაშიც ფიგურირებდა და მელია, - ამის შესახებ, ევროპარლამენტში, საქართველოში არსებულ პოლიტიკურ კრიზისზე მიმდინარე დებატებზე, ევროპარლამენტარმა მარკეტა გრეგოროვამ განაცხადა.
8 მარტის შეთანხმება ერთი წლის წინ შედგა. ახლა აქ ვართ 9 მარტს, ბევრად უარეს სიტუაციაში. შარშან საქართველოს კრიზისიდან გამოსვლა და საარჩევნო რეფორმის გატარება შეეძლო. ამაში ჩვენც აქტიურად ვეხმარებოდით, იქ ვიყავით. შეგვიძლია, ისევ დავეხმაროთ მომდევნო, მართლმსაჯულებისა და საარჩევნო რეფორმების გატარებაში... ..გაათავისუფლეთ პოლიტპატიმრები, ბატონი რურუა, ვინც 8 მარტის შეთანხმებაშიც ფიგურირებდა და ბატონი მელია. ნება მიეცით მოქალაქეებს, მათი წარმომადგენელი სამართლიანი სისტემით აირჩიონ, - ამბობს გრეგოროვა.