ცნობილმა ფრანგულმა გაზეთმა "ფიგარომ" გამოაქვეყნა სტატია სათაურით "პოლიტიკური კრიზისი რუსული სურნელით". ავტორი 2019 წლის 20 ივნისს განვითარებულ მოვლენებს ეხმიანება, როცა რუსი კომუნისტი სერგეი გავრილოვი საქართველოს პარლამენტის სპიკერის სავარძელში ჩაჯდა და ქვეყანაში რამდენიმეკვირიანი მწვავე პროტესტი გამოიწვია.

გამოცემა ნიკა მელიას საქმეს ეხება და აღნიშნავს, რომ ბოლო დროს საქართველოში სასამართლო პროცესები ძალიან პოლიტიზირებულია. 

სტატიაში ნათქვამია, რომ გიორგი გახარიას გადადგომის შემდეგ ახალ პრემიერმინისტრად წარდგენილი ირაკლი ღარიბაშვილი ამ თანამდებობაზე 2013-15 წლებშიც იყო და ცუდი მოგონებები დატოვა.

მას არ აქვს საკუთარი ხედვა, ის უბრალოდ ივანიშვილის მსახურია - ერთ ერთი დასავლელი დიპლომატის ამ სიტყვებით აფასებს სტატიის ავტორი, ღარიბაშვილის კანოდიდატურას თუმცა, ამ დიპლომატის ვინაობას არ ასახელებს.

შეგახსენებთ, რომ "ქართულმა ოცნებამ" ირაკლი ღარიბაშვილი პრემიერმინისტრობის კანდიდატად გუშინ დაასახელა.