აშშ რუსეთში საკონსულოების დახურვას გეგმავს. ამის შესახებ ინფორმაციას CNN-ი ავრცელებს.
მედია წყაროზე დაყრდნობით წერს, რომ 10 დეკემბრით დათარიღებულ შეტყობინებაში აშშ-ს სახელმწიფო დეპარტამენტმა კონგრესს განუცხადა, რომ აპირებს დაიხუროს ვლადივოსტოკში საკონსულო და ეკატერინბურგში მუშაობა შეაჩეროს.
ცნობისთვის, გუშინ აშშ-ის სახელმწიფო მდივანმა მაიკ პომპეომ განაცხადა, რომ ვლადიმერ პუტინი რეალურ საფრთხედ რჩება "ყველა ჩვენგანისთვის, ვისაც თავისუფლება გვიყვარს".
"მუდმივად მეკითხებიან ვინ არის ჩვენი მტერი და ჩემი პასუხი ისაა, რომ უამრავია ისეთი, ვისაც ჩვენი ცხოვრების, რესპუბლიკისა და ძირითადი დემოკრატიული პრინციპების შერყევა სურს, ცხადია, რუსეთი ამ სიაშია" ,- განაცხადა აშშ-ის სახელმწიფო მდივანმა.