საბერძნეთში, ათენში საქართველოს მოქალაქე გარდაცვლილი იპოვეს. ამის შესახებ ინფორმაცია "ინტერპრესნიუსს" საგარეო საქმეთა სამინისტროს პრესსამსახურში დაუდასტურეს.
მათივე ცნობით, საქართველოს საკონსულო ათენში გარდაცვლილის ოჯახის წევრებს მუდმივად ეკონტაქტება და ამ ეტაპზე, გადმოსვენების პროცედურაზე მუშაობა მიმდინარეობს.
გავრცელებული ინფორმაციით, გარდაცვლილია კაცი, რომელიც ათენში სამუშაოდ იმყოფებოდა.