მიხეილ სააკაშვილი - ხალხის პროტესტმა შედეგი გამოიღო
საქართველოს მესამე პრეზიდენტი დღეს თბილისში გამართულ შეხვედრებს ეხმაურება. ხალხის პროტესტმა შედეგი გამოიღო - ამბობს მიხეილ სააკაშვილი და მხარდამჭერებს ბრძოლის გაგრძელებისკენ მოუწოდებს.
ოპოზიცია როცა ელაპარაკა დარღვევებზე, რაც მე ვიცი, მათ არანაირი წინააღმდეგობრივი არგუმენტები არ ჰქონიათ. ისინი ხვდებიან, რომ ყველა ამ დარღვევას ჰქონდა ადგილი და რომ ეს იყო ყველაზე ცუდი არჩევნები 30 წლის განმავლობაში - ამბობს მიხეილ სააკაშილი.
მესამე პრეზიდენტი 2003 წელს და აშშ-ს ყოფილ ელჩს საქართველოში, რიჩარდ მაილსს იხსენებს. მიხეილ სააკაშვილი ამბობს, რომ მაილსი მაშინდელ ოპოზიციასაც და პირადად მასაც სთხოვდა პარლამეტში შესვლას, სთხოვდა მეორე და მესამე ადგილებს დათანხმებულიყვნენ, თუმც მიხეილ სააკაშვილის თქმით, ეს შეთავაზება არ მიიღეს.