ივანიშვილი და "ქართული ოცნება" უნდა გადაიტეხოს პროპორციულ არჩევნებში - ამის შესახებ განცხადება, "ნაციონალური მოძრაობის" წევრმა სალომე სამადაშვილმა  გადაცემა "ღამის მთავარზე" საუბრისას გააკეთა.
"პირდაპირ გეტყვით მიკიბვ-მოკიბვის გარეშე, რომ მიჩნდება განცდა, რომ რომელიღაც პარტიებისთვის, მათ შორის, ევსაქებისთვის რატომღაც ძალიან მნიშვნელოვანია რომელიღაც რეგიონში საკუთარი კანდიდატის დაყენება და ამას აქცევენ რაღაც საერთო ეროვნული მნიშვნელობის საგნად და არ არის ეს ასე", - განაცხადა სამადაშვილმა. 
სამადაშვილი მიიჩნევს, რომ ოპოზიციის ერთიანობა არ შეიძლება იყოს თვითმიზანი. მისი თქმით, მიზანი ივანიშვილის დამარცხებაა და ეს პროპორციულ არჩევნებში გამარჯვებით არის შესაძლებელი. 
"ნუ მოვატყუებთ საზოგადოებას, რომ ერთ და ორ ოლქზე გადის არჩევნების მომავალი და ბედი. ბიძინა ივანიშვილი და ქართული ოცნება უნდა გადაიტეხოს პროპორციულ არჩევნებში", - განაცხადა სამადაშვილმა.