მოსკოვში, Crocus City Hall-ში სამი ნიღბიანი ადამიანი შეიჭრა - შეიარაღებულმა პირებმა ცეცხლი მშვიდობიანი მოქალაქეების მიმართულებით გახსნეს, რის შედეგადაც სულ მცირე 12 ადამიანი დაიღუპა.
რუსული სახელმწიფო გამოცემა "რია ნოვოსტის" ცნობით, ადგილზე დაჭრილებიც არიან, თუმცა დაშავებულთა ზუსტი რიცხვი ამ დროისთვის უცნობია.
გამოცემა წყაროებზე დაყრდნობით წერს, რომ თავდაპირველად, დამნაშავეებმა ცეცხლი ავტომატური იარაღიდან გახსნეს, შემდეგ კი ყუმბარა, ან ბომბი ისროლეს, რის შედეგადაც დაწესებულებაში ხანძარი გაჩნდა.