"ოცნების" ხელისუფლებას არ აქვს პასუხი, რატომ არ შეუერთდა საქართველო ევროკავშირის რეზოლუციას "მაგნიტსკის სიის" გახანგრძლივების შესახებ. საგარეო საქმეთა სამინისტრო მხოლოდ მოკლე წერილობითი განცხადებით შემოიფარგლა, თუმცა ამ შემთხვევაშიც კითხვები პასუხგაუცემელი დარჩა. დარჩიაშვილის უწყება მხოლოდ იმას ამბობს, რომ დასავლელი პარტნიორები "ოცნების" პოზიციის შესახებ ინფორმირებულები არიან. საკანონმდებლო შტოს წარმომადგენლები კი დილიდან შეკითხვებს გაურბიან და გადაწყვეტილების მიმღებად საგარეო საქმეთა სამინისტროს ასახელებენ.