თუ ოლიგარქს ეძახის ივანიშვილს და მის გუნდს რუსეთის ინტერესების გამტარებელს, რა უნდა პრეზიდენტად, გადადგეს - გვერდში დავუდექით, პლაკატებზე მის ნაცვლად ჩვენ ვიყავით გაკრული და ახლა ოლიგარქს ეძახის?! არაადეკვატურია,- ამის შესახებ საპარლამენტო უმრავლესობის წევრმა ირაკლი ზარქუამ სალომე ზურაბიშვილთან დაკავშირებით განაცხადა.
როგორც მან აღნიშნა, ზურაბიშვილი ივანიშვილმა წარადგინა თავის დროზე, თორემ მათი არჩევანი არ ყოფილა.
„ვკითხოთ ქალბატონ სალომეს - თუ ოლიგარქს ეძახის ივანიშვილს და მის გუნდს კი რუსეთის ინტერესების გამტარებელს, ჩვენი დასახელებულია და ჩვენი არჩეულია, მაშინ რა უნდა პრეზიდენტად, ადგეს და გადადგეს, თუ ღირსება აქვს შენარჩუნებული და ადეკვატურობა, მაგრამ ვერა, სამწუხაროდ. ადეკვატურობის პრობლემა აქვს და-ძმას. ივანიშვილის გუნდმა აგირჩია, ივანიშვილმა წარგადგინა თავის დროზე, თორემ ჩვენი არჩევანი არ ყოფილა, გვითხრეს, რომ ეს არის სწორედ დემოკრატიის გზაზე და პლუს ევროინტეგრაციაში დაგვეხმარება, აღმოჩნდა, რომ მავნებლობს თავის განცხადებებით, პარლამენტში გამოვიდა და თქვა ფსევდორეფორმა არისო, ეს უნდა თქვას, როცა სტატუსს ველოდებოდით? მერე ევროპაში ჩავიდა და თქვა, დარწმუნებული არ ვარ, პრემიერს დასავლეთი უნდა თუ არაო, ამას ამბობს პრეზიდენტი, რომელიც ჩვენ ავირჩიეთ, გვერდში დავუდექით, პლაკატებზე მის ნაცვლად ჩვენ ვიყავით გაკრული და ახლა ოლიგარქს ეძახის?! არაადეკვატურია, უნამუსობასთან ერთად არაადეკვატურობაა და მავნებლობა და ჩემის აზრით, თუ ოდნავ მაინც შერჩა ღირსება და ადამიანობა, კეთილი ინებოს, გადადგეს და შეუერთდეს რადიკალებს და ჩახდილებს, მათი ინტერესების გამტარებელი გახდა”, - განაცხადა ზარქუამ.