"ოცნებამ" პირობა ისევ დაარღვია - ხელისუფლება საარჩევნო ბარიერს არ დაწევს
"ქართული ოცნებამ" კიდევ ერთი პირობა დაარღვია - სარჩევნო ბარიერი არ დაიწევა. არადა, ირაკლი კობახიძემ თქვა, რომ ევროკავშირისგან დადებითი პასუხის შემთხვევაში ერთი თვის ვადაში საარჩევნო ბარიერს ორ პროცენტამდე შეამცირებდა. ევროკომისიისგან დადებითი რეკომენდაცია უკვე არსებობს, მაგრამ მმართველმა გუნდმა ევროკავშირიც უგულებელყო და ოპოზიციაც. საკითხი ისე დახურა, რომ ამ თემაზე კონსულტაციებიც კი არ გაუმართავს. ივანიშვილის პარტია არ არის თანახმა, მომავალი პარლამენტი მრავალპარტიული იყოს, მთავრობა კი ოპოზიციასთან ერთად დააკომპლექტოს.
მმართველი გუნდი ამტკიცებს, რომ მრავალპარტიული პარლამენტი ეფექტური ვერ იქნება. ხელისუფლების თქმით, რადიკალურ ოპოზიციას ვერ მისცემენ საშუალებას, რომ საკანონმდებლო ორგანო ცირკად აქციონ.
მმართველი გუნდი ამტკიცებს, რომ მრავალპარტიული პარლამენტი ეფექტური ვერ იქნება. ხელისუფლების თქმით, რადიკალურ ოპოზიციას ვერ მისცემენ საშუალებას, რომ საკანონმდებლო ორგანო ცირკად აქციონ.
ბარიერთან დაკავშირებით, ეს საკითხი არის დახურული და არასდროს არ ყოფილა ის, რომ როდესაც დაბალი ბარიერის პირობებში შეკრებილი პარლამენტი რაიმე სახით, მაგალითად, აჩვენებდა მაღალ ხარისხს სახელმწიფოს ან გნებავთ, ხალხის სასიკეთოდ. 2022 წელს ბატონი კობახიძის მიერ დასახელებული იქნა კონკრეტული გარემოებები, რომლის შედეგადაც შეიძლებოდა საუბარი, მაგრამ ჩვენ რა ვნახეთ? ჩვენ ვნახეთ ის თუ არამც თუ დეპოლარიზაციისკენ გადადგეს ნაბიჯი რადიკალმა ჯგუფებმა, პირიქით,გააჩაღეს პოლარიზაცია, კიდევ უფრო მეტ რადიკალ და დესტრუქციულ ჯგუფებს მისცემს საშუალებას, რომ პარლამენტი გადააქციონ პოლიგონად ან გნებავთ საცირკო წარმოდგენად, რასაც ბუნებრივია, ჩვენ არ მივესალმებით, ვერ დავუშვებთ, - ამბობს ალუდა ღუდუშაური.