რუსი ოკუპანტები აგრძელებენ ქვედანაყოფების ბახმუტის მიმართულებით გადაყვანას და გეგმავენ შეტევის გაძლიერებას -  ამის შესახებ უკრაინის შეიარაღებული ძალების მე-3 ცალკეული თავდასხმის ბრიგადის მეთაურის მოადგილე, მაქსიმ ჟორინი საუბრობს. 

„ბახმუტის მიმართულებით შეტევითი მოქმედებების გააქტიურება ჩვენთვის სიახლე არ არის. ჩვენ ვაკვირდებოდით, როგორ აგროვებდნენ ძალებს, როგორ გადაჰყავდათ ახალი ნაწილები“, - ამბობს ის.

ჟორინის თქმით, ახლაც მძიმე და აქტიური ბრძოლები მიმდინარეობს და მტერი ცდილობს შეიარაღებული ძალების დაცვაში სუსტი წერტილების პოვნას.

"სიტუაცია ამჟამად კონტროლს ექვემდებარება, ყველა თავდასხმა უკრაინული ძალების მიერ არის მოგერიებული. მაგრამ განსაკუთრებული სასიხარულო არაფერია - რუსები აგრძელებენ დანაყოფების გადაყვანას და შეტევის გაძლიერების მცდელობებს", - თქვა მან.