"ანტისაოკუპაციო მოძრაობის" ლიდერი, დავით ქაცარავა ავრცელებს კადრებს, რომლის მიხედვითაც, სოფელ კირბალის თავზე დილიდან გამოჩნდნენ ოკუპანტები. გავრცელებულ ფოტოზე ჩანს, რომ ტაძრის კარი, რომელიც გასულ ზაფხულს ოკუპანტებმა აჭედეს და რომელიც მათ მიერ მოკლულმა თამაზ გინტურმა გახსნა, ისევ ღიაა.
თამაზ გინტურის ოჯახი სამძიმრებს იღებს. გინტური 2008 წლის ომის მონაწილე იყო, მას ოკუპანტებმა ზურგიდან ესროლეს. ჩაცხრილული მანქანა ფერდზეა ჩამოყვანილი, თუმცა სამართალდამცავებს ის ქართული მხარის მიერ კონტროლირებად ტერიტორიაზე ვერ გადმოჰყავთ. 
ოკუპანტებმა გაავრცელეს ვიდეო, რომელიც მკვლელობამდეა გადაღებული. კადრებში ჩანს, რომ გინტური ეკლესიის კარებს აღებს, ის ამბობს "ლომისა, შენს ძალას ვენაცვალე და შენი ჩამჭედის დედას შე***ი!"