ისრაელის თავდაცვის ძალები (IDF) აცხადებენ, რომ ღაზის სექტორში სახმელეთო შეტევის დაწყების შემდეგ, ისრაელის სახმელეთო, საჰაერო და საზღვაო ძალებმა 2 500-ზე მეტ სამიზნეს დაარტყეს. მათ სახმელეთო ოპერაცია ერთი კვირის წინ დაიწყეს.
IDF-ში ასევე აღნიშნავენ, რომ გასულ ღამეს ისრაელის ძალებსა და "ჰამასის" ტერორისტებს შორის ღაზის სექტორის ჩრდილოეთ ნაწილში ბრძოლები გრძელდებოდა.

ისრაელის სახმელეთო ძალებმა ავიაიერიშები მიიტანეს მათ ინფრასტრუქტურაზე, იარაღის საწყობებზე, სადამკვირვებლო პუნქტებსა და სამეთაურო ცენტრებზე.
შეგახსენებთ, რომ 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა.
სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.