როგორ დავამარცხოთ რუსული პროპაგანდა - ამ საკითხზე "მთავარი არხის" დამფუძნებელი ნიკა გვარამია 15 ნოემბერს, კოლუმბიის უნივერსიტეტის ჟურნალიზმის სკოლაში (ჰარიმანის ინსტიტუტი) საჯარო ლექციას ჩაატარებს.
16 ნოემბერს კი ნიკა გვარამიას ჟურნალისტთა დაცვის კომიტეტის მიერ (CPJ) პრესის თავისუფლების საერთაშორისო ჯილდო გადაეცემა. ნიკა გვარამია პირველი ქართველია, რომელიც ამ ჯილდოს მიიღებს. 
ჟურნალისტთა დაცვის კომიტეტი მნიშვნელოვანი და ყველაზე ცნობილი საერთაშორისო ორგანიზაციაა, რომელიც ყოველწლიურად მსოფლიოს მასშტაბით მედიის ოთხ წარმომადგენელს ირჩევს. მათ, ვისაც პროფესიის დაცვა სიცოცხლის რისკის ფასად უწევთ. 
დაჯილდოების ცერემონიალი ნიუ-იორკში, 2023 წლის 16 ნოემბერს გაიმართება. ვახშამს The New York Times Company-ის პრეზიდენტი და აღმასრულებელი დირექტორი, მერედიტ კოპიტ ლევიენი უხელმძღვანელებს.