კობახიძე მიხეილ სააკაშვილის შესაძლო შეწყალებაზე - ზურაბიშვილი თანდათანობით კვეთს წითელ ხაზებს...ეს იქნება მორიგი ღალატი
ირაკლი კობახიძის შეფასებით, სალომე ზურაბიშვილის მიერ, მიხეილ სააკაშვილის შეწყალება "მორიგი ღალატი" იქნება. კობახიძე დღეს ნიკა გვარამიას განცხადებას გამოეხმაურა, სადაც "მთავარი არხის" დამფუძნებლებმა მეხუთე პრეზიდენტს, მესამეს შეწყალებისკენ მოუწოდა.
ჩვენ ზურაბიშვილისგან ზოგადად არაფერი გვიკვირს, ის თანდათანობით კვეთს წითელ ხაზებს. არ ვიცი ბოლომდე გადაკვეთს თუ არა ყველა წითელ ხაზს. რა თქმა უნდა, ეს იქნება თეორიულად მორიგი ღალატი ამომრჩევლის წინაშე. მას მხარი დაუჭირა თავის დროზე იმ ამომრჩეველმა, რომლისთვისაც არის პრინციპულად მიუღებელი სააკაშვილის მიერ ჩადენილი დანაშაულები. მას შეუძლია კიდევ ერთხელ უღალატოს იმ ამომრჩეველს რომელმაც მხარი დაუჭირა, მისგან არაფერი აღარ გვიკვირს, ეს არის მისი საქმე და იმედი მაქვს, რომ მორიგ ღალატს არ ჩაიდენს, თუმცა ყველაფერია მისგან მოსალოდნელი " ამბობს კობახიძე.