რუსთავის მერმა მუნიციპალიტეტის საკრებულოს სასამართლოში უჩივლა. ნინო ლაცაბიძე ამტკიცებს, რომ საკრებულო, რომელიც მისი პოლიტიკური ოპონენტებისგან არის დაკომპლექტებული, პროექტების განხორციელებასა და ინვესტიციების მოზიდვაში ხელს განზრახ უშლის.
სარჩელი საკრებულოს სამი კომიტეტის წინააღმდეგაა შეტანილი, მოთხოვნით, რომ ისინი არაუფლებამოსილ პირებად აღიარონ და ქმედებების განხორციელება დაავალონ. რუსთავის საკრებულოს "ქართული ოცნება" არ მართავს, ის ოპოზიციური პარტიების დეპუტატებითაა დაკომპლექტებული. დეპუტატები ამბობენ, რომ ნინო ლაცაბიზე პროექტებზე ნებართვების გაცემას პირადი ინტერესების გამო სთხოვთ.
ავტორი: ნინი ჟიჟიაშვილი