ლიეტუვას პრეზიდენტი უნგრეთის პრემიერმინისტრს პუტინთან შეხვედრისთვის აკრიტიკებს და ამ ფაქტს უწოდებს "ფლირტს" სისასტიკის ჩამდენ რეჟიმთან:

"უკიდურესად უცნაურია, რომ ჩვენ ვიწყებთ ფლირტს იმ რეჟიმთან, რომელმაც სისასტიკეები ჩაიდინა უკრაინის ტერიტორიაზე. ეს ძალიან ცუდ მესიჯს უგზავნის პირველ რიგში საერთაშორისო საზოგადოებას, თუმცა ასევე თავად უკრაინას, რომელიც თავისუფლებისთვის და საკუთარი სუვერენიტეტისთვის იბრძვის, რაც ასევე ნიშნავს, რომ იბრძვის ჩვენი თავისუფლებისთვისაც, რადგან თუ უკრაინამ წააგო - მე გამოვრიცხავ ამ შესაძლებლობას, მაგრამ დავუშვათ, რომ წააგო - მაშინ სრულიად სხვა სტატუს ქვო გვექნება ამ რეგიონში და ყველანი უფრო მოწყვლადი გავხდებით. ამის გაცნობიერება რთული არ არის. თუ რუსეთმა პირველი სამიზნე წარმატებით დაიპყრო, შემდეგი ჩვენ ვიქნებით." თქვა გიტანას ნაუსედამ.

შეგახსენებთ, ვიქტორ ორბანი 17 ოქტომბერს ჩინეთში პუტინს შეხვდა. შეხვედრა პეკინში ფორუმის - „ერთი სარტყელი, ერთი გზა“ - ფარგლებში გაიმართა და ორბანი ევროკავშირის წევრი სახელმწიფოებიდან ერთადერთი ლიდერი იყო, რომელიც ამ ფორუმს დაესწრო.
გარდა ამისა, ამ კვირაში, უნგრეთის გამო, ევროკავშირმა უკრაინისთვის 500 მლნ ევროს გამოყოფა ვერ შეძლო.
 იხილეთ ასევე:

• ორბანის პუტინთან ხელის ჩამორთმევა უკრაინელებისთვის "შუა თითის" ჩვენება იყო | ლუქსემბურგის პრემიერმინისტრი