ელექტრონული საარჩევნო სისტემის შეცვლას უნდა მივაღწიოთ ყველამ ერთად, მივაღწიოთ, რომ EU-მ მოახდინოს მონიტორინგი | მიხეილ სააკაშვილი
საქართველოს მესამე პრეზიდენტი, მიხეილ სააკაშვილი ამბობს, რომ მომავალი არჩევნები იქნება ყველაზე მნიშვნელოვანი საქართველოს ისტორიაში 1990 წელს ჩატარებული არჩევნების შემდეგ. მისი განცხადებით, ასეთივე გამოწვევების წინაშეა დღეს ქვეყანა.
ამ თემაზე მიხეილ სააკაშვილმა სასამართლო პროცესზე დისტანციურად ჩართვის დროს განაცხადა.
ამ თემაზე მიხეილ სააკაშვილმა სასამართლო პროცესზე დისტანციურად ჩართვის დროს განაცხადა.
"მე მინდა მივმართო ყველა პოლიტიკურ ძალას. შემდეგი არჩევნები არის ყველაზე მნიშვნელოვანი არჩევნები საქართველოს ისტორიაში, 1990 წლის შემდეგ, 1990 წელს კომუნისტურმა პარტიამ წააგო არჩევნები, მრგვალი მაგიდა თავისუფალი საქართველო მოვიდა სხვა ეროვნულ ძალებთან ერთად და მათ მოახერხეს საქართველოს საბჭოთა კავშირიდან დახსნა. ზუსტად ასეთივე გამოწვევების წინაშე ვართ დღეს ჩვენ და ეს სასამართლოც, ჩემი პატიმრობაც, ბევრი სხვა, უკავშირდება იმას, რომ ისინი აპირებენ უკან დაგვაბრუნონ საბჭოთა კავშირში, ისინი აპირებენ, რომ ჩააბეტონონ მათი ყოფნა და ესენი არჩევნებით წასვლას არსად არ აპირებენ, ჩვენ ეს უნდა გვესმოდეს, ჩვენ ეს ვიცით, მაგრამ ეს არ ნიშნავს, რომ ისინი არ წავლენ. ისინი წავლენ, როცა ჩვენ ვიმოქმედებთ ერთობლივად კოორდინირებულად და ერთმანეთთან შეთანხმებით", - თქვა მიხეილ სააკაშვილმა.მისი თქმით, ელექტრონული საარჩევნო სისტემა ოპოზიციის ერთობლივი ქმედებებით უნდა შეიცვალოს და ევროკავშირმა მონიტორინგი უნდა გაუწიოს არჩევნებსა და ხმების დათვლას. მისი თქმით, სისტემა თავიდან ბოლომდე გაყალბებაზეა აგებული.
"ამ სისტემის შეცვლას უნდა მივაღწიოთ ყველამ ერთად, ჩვენ არ გვჭირდება ერთ პარტიაში ყოფნა, რომ დავაქორწინოთ ერთმანეთთან სხვადასხვა პარტიები, პოლიტიკური ჯგუფები თუ პიროვნებები პოლიტიკაში ვინც არის, ჩვენ უბრალოდ გვჭირდება, რომ მივაღწიოთ ამ სისტემის შეცვლას ერთობლივი ქმედებებით და მივაღწიოთ იმას, რომ ევროკავშირმა მოახდინოს არჩევნების მონიტორინგი, მოახდინოს ხმების დათვლაში პირდაპირი ჩართვა და მონაწილეობა", - თქვა მიხეილ სააკაშვილმა.სააკაშვილის განცხადებით, ხელისუფლებას "მათ წინასწარ აქვთ გაყალბებული არჩევნები, მათ გადაწყვიტეს, რომ აღარ გარისკონ".