"ისრაელს არ აინტერესებს ომი ლიბანთან... თუ ჰეზბოლა აირჩევს ომის გზას, ის გადაიხდის ძალიან მძიმე ფასს", - ამის შესახებ ისრაელის თავდაცვის მინისტრი იოავ გალანტი საუბრობს. მისი თქმით, იმის გამო, რომ დაძაბულობა იზრდება, ტერორისტულ ჯგუფს "ჰამასის" მხარდასაჭერას ბრძოლაში შესვლა შეუძლია. 
"ჩრდილოეთში ომის ინტერესი არ გვაქვს, ჩვენ სიტუაციის ესკალაცია არ გვინდა", - ამბობს გალანტი. 
მისივე თქმით, "თუ ჰეზბოლა აირჩევს ომის გზას, ის გადაიხდის ძალიან მძიმე ფასს… მაგრამ თუ ის თავს შეიკავებს, ისრაელი პატივს სცემს სიტუაციას და შეინარჩუნებს საქმეს ისე, როგორც არის, მიუხედავად სროლისა ორივე მხრიდან".
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.