უნგრეთის პრემიერ ვიქტორ ორბანის განცხადებებს უკრაინის ევროკავშირში გაწევრიანებასთან დაკავშირებით, უკრაინის საგარეო უწყება ეხმაურება. ორბანს უკრაინის საგარეო საქმეთა სამინისტროს წარმომადგენელი ოლეგ ნიკოლენკო პასუხობს და წერს:

"უნგრეთის პრემიერ-მინისტრი შეშფოთებულია უკრაინის ევროკავშირში გაწევრიანების საკითხით. შეგახსენებთ, რომ უკრაინას არ შეუცვლია თავისი საზღვრები საერთაშორისოდ აღიარებულ საზღვრებში." წერს ნიკოლენკო.

ვიქტორ ორბანის აზრით, ევროკავშირში გაწევრიანებაზე მოლაპარაკებების დაწყება ომში მყოფ ქვეყანასთან, შეუძლებელია, სანამ ომი არ დასრულდება და არ ეცოდინებათ უკრაინის საზღვრები.