უკრაინის შეიარაღებული ძალების ინფორმაციით, უკრაინის თავდაცვის ძალები აგრძელებენ შეტევით ოპერაციას ზაპოროჟიეს ოლქის ვერვოვოის რაიონში, ათავისუფლებენ ოკუპირებულ პოზიციებს და იცავენ თავს ოკუპირებულ საზღვრებზე.
გენშტაბის ცნობითვე, დღის განმავლობაში 15 საბრძოლო შეტაკება მოხდა. რუსეთის ფედერაციამ დაარტყა უკრაინას შაჰედ-136/131 ტიპის კამიკაძე-დრონებით. უკრაინის საჰაერო ძალებმა 15 „შაჰედიდან“ 14 გაანადგურეს.

მტერმა 5 სარაკეტო და 44 საჰაერო დარტყმა განახორციელა, 22 ზალპური რაკეტა გაისროლა უკრაინის ჯარების პოზიციებისა და დასახლებული პუნქტებისკენ. შედეგად, არის მსხვერპლი და დაშავებულია მშვიდობიანი მოსახლეობა. განადგურდა და დაზიანდა კერძო საცხოვრებელი კორპუსები და სხვა სამოქალაქო ინფრასტრუქტურა - აცხადებს გენშტაბი.

მათივე ცნობით, კვლავ რთულია ვითარება უკრაინის აღმოსავლეთსა და სამხრეთში.

"ბახმუტის მიმართულებით მტერი ცდილობდა დაკარგული პოზიციის აღდგენას დონეცკის ოლქის კლეშეევკას რაიონში, მაგრამ უშედეგოდ. საჰაერო დარტყმა განახორციელეს დასახლების მიდამოებში. საარტილერიო და ნაღმტყორცნებიდან 15-ზე მეტი დასახლება დაიბომბა, კერძოდ, დონეცკის ოლქის დასახლებები ვასიუკოვკა, ორეხოვო-ვასილიევკა, ბოგდანოვკა, კლიშჩევკა, ბელაია გორა და ნიუ-იორკი" [დაბა უკრაინაში, დონეცკის ოლქში] აღნიშნავს გენშტაბი.

ამავდროულად, უკრაინის თავდაცვის ძალები აგრძელებენ შეტევით ოპერაციებს მელიტოპოლისა და ბახმუტის მიმართულებით.