ეს არის ხელისუფლების მხრიდან ორგანიზებული ძალადობა, მოვითხოვთ დაკავებულების დაუყოვნებლივ გათავისუფლებას - ენმ გლდანში მომხდარზე
დღეს, გლდანში განვითარებულ მოვლენებსა და პარტიის წევრებზე თავდასხმასთან დაკავშირებით, ენმ განცხადებას ავრცელებს. ოპოზიციური პარტია აცხადებს, რომ მომხდარი ხელისუფლების მხრიდანაა ორგანიზებული. ენმ-ში დაკავებული ნიკა მელიას, ბაჩო დოლიძისა და ზვიად კუპრავას დაუყოვნებლივ გათავისუფლებას ითხოვენ.
შსს-ს წარმომადგენლებმა ნიკა მელია, ბაჩო დოლიძე, ზვიად კუპრავა დააკავეს.
"პოლიტიკური საქმიანობის, პოლიტიკური განცხადებებისა და კრიტიკული აზრის მიუღებლობის გამო, “რუსული ოცნების” ორგანიზებით, თავს დაესხნენ “ერთიანი ნაციონალური მოძრაობის” თბილისის საკრებულოს ფრაქციის წევრ - ირაკლი ეძგვერაძეს.შეგახსენებთ, საკრებულო ოპოზიციონერი დეპუტატის, ირაკლი ეძგვერაძის ცემის შემდეგ გლდანში ნაციონალური მოძრაობის ლიდერები მივიდნენ, სადაც დაპირისპირება მოხდა პოლიციელებთან.
ეს არის ხელისუფლების მხრიდან ორგანიზებული, ღია და დაუფარავი ძალადობა, ამ აგრესიას მათში სიმართლის მოსმენის შიში იწვევს.
მოძალადეების ნაცვლად, ე.წ. “სამართალდამცავებმა” “ერთიანი ნაციონალური მოძრაობის” წევრები ნიკა მელია, ბაჩო დოლიძე და ზვიად კუპრავა დააკავეს. მოვითხოვთ, მათ დაუყოვნებლივ გათავისუფლებას!
ჩვენ გავაგრძელებთ ბრძოლას დამოუკიდებელი, თავისუფალი, ევროპული საქართველოსთვის! რაც უფრო ამაზრზენ ფორმებს მიიღებს “რუსული ოცნების” მიერ ორგანიზებული ძალადობა, ამაზე ქართული საზოგადოების პასუხი უფრო მწვავე იქნება.
“ქართული ოცნების” რუსული რეჟიმი აუცილებლად დასრულდება, საქართველო გაიმარჯვებს და გახდება ევროპული ოჯახის სრულფასოვანი წევრი!" აცხადებს ენმ
შსს-ს წარმომადგენლებმა ნიკა მელია, ბაჩო დოლიძე, ზვიად კუპრავა დააკავეს.