სალივანი ადასტურებს, რომ ზელენსკი ბაიდენს ხუთშაბათს შეხვდება
აშშ-ის პრეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა დაადასტურა, რომ ჯო ბაიდენი და უკრაინის პრეზიდენტი, ვოლოდიმირ ზელენსკი თეთრ სახლში ხუთშაბათს, 21 სექტემბერს ერთმანეთს შეხვდებიან. შეხვედრა გაეროს გენერალური ასამბლეის მაღალი დონის კვირეულის ღონისძიებებში მონაწილეობის შემდეგ გაიმართება. ინფორმაციას უკრაინული მედია ავრცელებს.
"ეს იქნება მათი მესამე შეხვედრა თეთრ სახლში. ეს ხდება ძალიან მნიშვნელოვან მომენტში, როდესაც რუსეთი უიმედოდ ეძებს დახმარებას ისეთი ქვეყნებისგან, როგორიც არის ჩრდილოეთ კორეა, უკრაინაში მისი სასტიკი ომისთვის, უკრაინის ჯარები აწარმოებენ კონტრშეტევას", - თქვა მან.მისივე თქმით, რამშტეინის ფორმატის მორიგი შემდეგი მომავალი კვირის დასაწყისში გაიმართება. The Washington Post-ის ცნობით, ზელენსკი ასევე ეწვევა აშშ-ს კონგრესს, რათა კანონმდებლებმა დაამტკიცონ დამატებითი დახმარება უკრაინისთვის 24 მილიარდი დოლარის ოდენობით.