"ბუნებრივია, რუსები, მათი პროპაგანდისტები ხარობენ, როდესაც რუსული რეჟიმის პაიკები პუტინის სტილში თავს ესხმიან საქართველოს მთავარ სტრატეგიულ პარტნიორს," - ასე ეხმაურება ფრაქცია "ნაციონალური მოძრაობის" თავმჯდომარე თინა ბოკუჩავა რუსული მედიის მიერ "ოცნების" დეპუტატის განცხადებების გაშუქებას.
საქმე ეხება ირაკლი ზარქუას მიერ ამერიკის ელჩის შეურაცხყოფას და კელი დეგნანზე თავდასხმას, როდესაც "ქართული ოცნების" დეპუტატმა ელჩს ასე მიმართა - "მავნებელი ხართ, ქალბატონო ყოფილო ელჩო! "

ბუნებრივია, რუსები, მათი პროპაგანდისტები ხარობენ, როდესაც რუსული რეჟიმის პაიკები პუტინის სტილში თავს ესხმიან საქართველოს მთავარ სტრატეგიულ პარტნიორს და რუსეთის მთავარ გაცხადებულ მტერს აშშ-ს. აქაც ივანიშვილი პირწმინდად ასრულებს პუტინის დავალებებს.
ასეთი ორკესტრირებული, ორგანიზებული, მდაბიო, აგრესიული თავდასხმა აშშ-ის ელჩებზე სჩვევიათ სწორედ პუტინის პაიკებს,“ - ამბობს თინა ბოკუჩავა.