აშშ-ის სახაზინო დეპარტამენტმა 4 რუსი ოლიგარქი და რუსეთის მრეწველებისა და მეწარმეთა კავშირი დაასანქცირა. აშშ-ის ფინანსთა სამინისტროს საგარეო აქტივების კონტროლის ოფისის ინფორმაციით, სანქცირებულთა სიაში მოხვდნენ პეტრ ავენი, მიხეილ ფრიდმანი, ჰერმან ხანი და ალექსი კუზმიჩევი. 
დასახელებული პირები რუსული საერთაშორისო კერძო ფინანსური და საინვესტიციო კონსორციუმის Alfa-Group-ის დამფუძნებლებად და მმართველებად მიიჩნევიან. Alfa-Group-ში ალფა-ბანკიც შედის.
აშშ-ის ფინანსთა სამინისტროს განმარტებით, აღნიშნული ოთხი რუსი ოლიგარქი უკვე დასანქცირებული ავსტრალიის, კანადის, ევროკავშირის, ახალი ზელანდიისა და დიდი ბრიტანეთის მიერ.
აშშ უკრაინაში რუსეთის შეჭრის შემდეგ, მკაცრ ფინანსურ შეზღუდვებსა და სანქციებს უწესებს პუტინის ომის მხარდამჭერებს, დამფინანსებლებს, რუსეთის სამხედრო სექტორს, ოლიგარქებსა და იმ კომპანიებს, რომლებიც მიიჩნევა, რომ ხელს უწყობენ ომის გახანგრძლივებას.