ჩინეთთან სტრატეგიული თანამშრომლობის დოკუმენტი კანდიდატის სტატუსის მორიგი საბოტაჟია... ოცნება ყველაფერს იზამს, რომ ჩვენ ის არ მივიღოთ - ნიკა გვარამია
"ჩინეთთან სტრატეგიული თანამშრომლობის დოკუმენტი კანდიდატის სტატუსის მორიგი საბოტაჟია... ოცნება ყველაფერს იზამს, რომ ჩვენ ეს სტატუსი არ მივიღოთ", - ამის შესახებ ნიკა გვარამია Facebook-ზე წერს.
ნიკა გვარამია ჩინეთთან სტრატეგიული პარტნიორობის შესახებ, საქართველოს პრემიერმინისტრის, ირაკლი ღარიბაშვილის განცხადებას გამოეხმაურა.
ნიკა გვარამია ჩინეთთან სტრატეგიული პარტნიორობის შესახებ, საქართველოს პრემიერმინისტრის, ირაკლი ღარიბაშვილის განცხადებას გამოეხმაურა.
"გუშინ, ფორმულას ეთერში გამოვთქვი აზრი, რომ ჯერ უნდა გავერკვეთ, რას გულისხმობს ოცნება ჩინეთთან სტრატეგიულ თანამშრომლობაში და მხოლოდ ამის შემდეგ ვაკრიტიკოთ ეს დოლუმენტი:
(ა) თუ ამას მთავრობა მარკეტინგული შეფუთვისთვის იყენებს მხოლოდ, როგორც ჩინეთთან ეკონომიკური ურთიერთობის ახალ ხარისხში აყვანის პროპაგანდისტულ ნარატივს, არ ღირს ამ საკითხის უტრირება, რადგან შეფასდება, როგორც ქვეყნის და ქართული ბიზნესის ახალ ეკონომიკურ შესაძლებლობებზე თავდასხმა;
(ბ) თუ ამაში სამხედრო-პოლიტიკური კომპონენტი იგულისხმება (და დოკუმენტი გუშინ ჯერ კიდევ უცნობი იყო) და ეს რეალური სტრატეგიული თანამშრომლობაა, მაშინ - კატასტროფაა.
დღეს, გამოქვეყნდა ჩინეთთან სტრატეგიული თანამშრომლობის დოკუმენტის ტექსტი:
ეკონომიკური თვალსაზრისით პოზიტიუირ სიახლეები ნამდვილად არის, მაგრამ ე.წ.მულტივექტორული თანამშრომლობის კონცეფცია, რომელსაც ეს დოკუმენტი ეყრდნობა, უმძიმესი საფრთხეების შემცველია და დასავლეთის გეოპოლიტიკური შანტაჟია.
პრინციპში, ეს დოკუმენტი კანდიდატის სტატუსის მორიგი საბოტაჟია. კვლავ ვრჩები ჩემს აზრზე: ოცნება ყველაფერს იზამს, რომ ჩვენ ეს სტატუსი ვერ მივიღოთ, რადგან მისი ამოცანა სწორედ ეს არის", - წერს ნიკა გვარამია.