უკრაინის არმიამ ზაპოროჟიის ოლქში კონტრშეტევა ისევ დაიწყო – ამის შესახებ რუსული მედია ზაპოროჟიის რუსული ადმინისტრაციის მეთაურზე დაყრდნობით წერს.
მისი თქმით, უკრაინამ კონტრშეტევის მეორე ტალღა დაიწყო და ორეხოვოს მიმართულებით მაქსიმალური ძალები გადაისროლა, რუსეთის თავდაცვის ზღუდეების გარღვევის მიზნით.
“დილით ადრე, მასირებული საარტილერიო და ავიაიერიშების შემდეგ უკრაინელებმა დაიწყეს შტურმი რაბოტინოს მიმართულებით. ძირითადი დარტყმა რაბოტინოს ჩრდილო-აღმოსავლეთით განხორციელდა”, – ამბობს ივან როგოვი.
ზაპოროჟიის მიმართულებით შეტევის დაწყებას ადასტურებენ უკრაინის არმიის გენშტაბშიც.