ქართველები მოქალაქეობის გარეშე - მრავალწლიანი  ემიგრაციიდან სამშობლოში დაბრუნებულ ადამიანებს საქართველოში დარჩენაზე უარს ეუბნებიან. აფხაზეთის ომში მებრძოლები, ვინც  ქვეყნის დასაცავად სიცოცხლეს სწირავდა, დღეს აღმოჩნდა, რომ ქართული ოცნების ხელისუფლებისთვის არასასურველ სტუმრებად იქცნენ.
ეს მაშინ ხდება, როცა რუსეთის მოქალაქეები საქართველოში ბიზნეს საქმიანობას შეუფერხებლად იწყებენ და ბინადრობის უფლებსაც მარტივად იღებენ. 
რესპონდენტები "პირველებთან" ამბობენ, რომ "ქართულ ოცნებას" ემიგრანტების ეშინია, რათა არჩევნებზე მათ ხმა ოპოზიციისკენ წავა და სწორედ ამიტომ არ აძლევენ მოქალაქეობას.

ჩემმა შვილმა ჩააბარა გამოცდები, უარყოფითი პასუხები რომ მოვიდა, ადგა და მისწერა იუსტიციის სახლს, რა იყო მიზეზი, რატომ არ მისცეს მოქალაქეობა, იქიდან მოწერეს, რომ 72-ე მუხლი დაიბლოკაო. მე დავითი ვარ არახამია და ვიფიქრე, ჩემი გვარი ხომ არ ფიგურირებს ამაში-მეთქი. ქართულ ოცნებას მიაჩნია, ვინც მოსკოვშია, დევნილები ვისაც ჰქვია, ყველას გვეძახიან მიშისტებს და ალბათ, ეშინიათ, რომ ხმას არ მივცემთ ამათ". - ამბობს ემიგრანტი ქართველი.

აფხაზეთის ომის მებრძოლი, ვეტერანი, პირი, რომელიც ხერსონიდან ახლახანს ჩამოვიდა საქართველოში, ამჟამად ქირით ცხოვრობს თბილისში და ამბობს, რომ ის მალე შესაძლოა, ღია ცის ქვეშ დარჩეს. 

საქართველოში რომ ჩამოვედი, ჩავაბარე განცხადება, რომ საქართველოს მოქალაქეობა მიმეღო, ორი ქულა დამაკლდა. ახლა არ ვიცი სად წავიდე. ქირით ვცხოვრობთ, თუ ბინას ვიშოვით დავრჩებით, თუ არადა არვიცი"- ამბობს ვეტერანი.