შეიარაღებული მამაკაცი, რომელიც მოსკოვის მახლობლად სოფელ შერვუდში სავარაუდოდ იანუკოვიჩის საცხოვრებელ სახლში შეიჭრა და პოლიციას ცეცხლი გაუხსნა, ლიკვიდირებულია.

„რადგან მოქალაქემ არ უპასუხა პოლიციელების კანონიერ მოთხოვნებს, უგულებელყო ჩაბარების მოწოდებები, ესროლა სამართალდამცავებს, გადაწყდა იძულებითი დაკავება, რა დროსაც გამოყენებული იყო სამსახურებრივი იარაღი და სპეციალური საშუალებები." აცხადებენ რუსი სამართალდამცველები.

მოსკოვის ოლქის პოლიციის შტაბის პრესსამსახურის უფროსის ინფორმაციით, თავდამსხმელი 36 წლის მამაკაცი, კრასნოიარსკიდან იყო.
მედიაში ვრცელდება მისი ფოტოც. არსებული ინფორმაციით, სამხედრო ფორმაში გამოწყობილი პირი, ვიაჩესლავ ჩერნენკოა, რომელიც ცოტა ხნის წინ დაბრუნდა უკრაინის ომიდან. 
მედიის ცნობით, მან ათამდე რუსი ჯარისკაცი მძევლად აიყვანა უკრაინის ომში მისი ძმისშვილების დაღუპვის გამო.
სხვადასხვა წყაროების ცნობით, სახლში, სადაც შეიარაღებული პირი შეიჭრა,  გარკვეული პერიოდის განმავლობაში უკრაინის ყოფილი პრორუსი პრეზიდენტი, ვიქტორ იანუკოვიჩი ცხოვრობდა, თუმცა საკუთრება ახლა ვინმე ლარისა მუსკოვიტეს სახელზეა გაფორმებული.