უკრაინის თავდაცვის მინისტრის მოადგილის, ჰანა მალიარის თქმით, რუსეთმა მნიშვნელოვანი სახსრები, აღჭურვილობა და ცოცხალი ძალა დახარჯა ბახმუტისთვის ბრძოლებში, ახლა კი ბახმუტი მათი ხაფანგია, ისინი სრულად ვერ გადაადგილდებიან და ვერც ქალაქს ტოვებენ.

"ამ ომის დროს ყველაზე ძვირადღირებული ოპერაცია რუსეთისთვის იყო სწორედ ბახმუტის ბრძოლები. მათ მართლაც დახარჯეს ბევრი ფული, ტექნიკა და იქ უამრავი ცოცხალი ძალა" - თქვა მალიარმა.

გარდა ამისა, მალიარის თქმით უკრაინელებმა ბახმუტში ფლანგის თითქმის ყველა სიმაღლე დაიკავეს.