''ომის დასრულების სიჩქარე პირდაპირ დამოკიდებულია უკრაინის გლობალურ მხარდაჭერაზე. ყველაფერს ვაკეთებთ, რომ ასეთი მხარდაჭერა იყოს მაქსიმალურად ინტენსიური და შინაარსიანი", -ასე გამოეხმაურა უკრაინის პრეზიდენტი ვოლოდიმირ ზელენსკი მიმდინარე კონტრშეტევას და ბერდიანსკის ოლქში განვითარებულ ბოლო მოვლენებს. 
ცნობილი ხდება, რომ ბერდიანსკის მიმართულებით უკრაინული ძალები წინ მიიწევენ. ამ დროისთვის ბერდიანსკთან ინტენსიური ბრძოლები მიმდინარეობს. გასულ დღე-ღამის განმავლობაში უკრაინის თავდაცვის ძალებსა და ოკუპანტებს შორის 5 მიმართულებით 39 შეტაკება მოხდა. 

''ახლა, როდესაც ომის დასრულების სიჩქარე პირდაპირ დამოკიდებულია უკრაინის გლობალურ მხარდაჭერაზე, ჩვენ ყველაფერს ვაკეთებთ, რომ ასეთი მხარდაჭერა იყოს მაქსიმალურად ინტენსიური და შინაარსიანი. უკრაინას არ შეუძლია დატოვოს არც ერთი უკრაინელი მოქალაქე, არც ერთი ქალაქი და სოფელი რუსეთის ტყვეობაში. არ უნდა გაგრძელდეს რუსული ოკუპაცია, ხალხზე ძალადობა და მათი დამცირება. მე მადლობელი ვარ ჩვენი პარტნიორის. ყველა ლიდერის ყველა პოლიტიოსის, საზოგადო მოღვაწის ყველა ქვეყნის, რომელიც ნამდვილად გვიჭერს მხარს, რათა სრული ძალით  დავუბრუნდეთ საერთაშორისო წესრიგს", - განაცხადა ზელენსკიმ.

შეგახსენებთ, უკრაინის გენშტაბის ინფორმაციით ფრონტის ხაზის ყველაზე ცხელ წერტილებად კვლავ კუპიანსკის ლიმანის, ბახმუტის, ავდიივკასა და მარინკას მიმართულებით რჩება.