უკრაინაში რუსეთის სრულმასშტაბიანი ომის მე-500 დღეს პრეზიდენტი ვოლოდიმირ ზელენსკი კუნძულ ზმეინს ეწვია და ომში დაღუპულ გმირების ხსოვნას პატივი მიაგო.

"სრულმასშტაბიანი ომის 500 დღე. ზმეინი. თავისუფალი კუნძული თავისუფალ უკრაინაში. მადლიერი ვარ ყველასი, ვინც აქ ოკუპანტების წინააღმდეგ იბრძოდა. პატივი მივაგეთ იმ გმირების ხსოვნას, ვინც ამ ბრძოლაში სიცოცხლე გაწირეს, ერთ-ერთ უმნიშვნელოვანეს ბრძოლაში სრულმასშტაბიანი ომის დროს. დიდება თითოეულ კაცს და ქალს, ვინც შავი ზღვის უსაფრთხოებისთვის იბრძვის," - განაცხადა ზელენსკიმ. 

უკრაინის პრეზიდენტთან ერთად კუნძულზე იმყოფებოდნენ თავდაცვის სამინისტროს მთავარი სადაზვერვო სამმართველოს ხელმძღვანელი კირილ ბუდანოვი და პრეზიდენტის აპარატის უფროსი ანდრეი ერმაკი.