გლობალური ბირთვული უსაფრთხოება არსებობს? - პოდოლიაკი რუსეთის ბირთვულ მუქარაზე
უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი რუსეთის მიერ ბირთვულ შანტაჟს ეხმაურება და გლობალური ბირთვული უსაფრთხოების არსებობას კითხვის ნიშნის ქვეშ აყენებს. ამის შესახებ მან სოციალურ ქსელში დაწერა.
"ვიყოთ გულწრფელები. გლობალური ბირთვული უსაფრთხოება არსებობს? როგორც ჩანს, სამწუხაროდ, ეს ისეთივე ფიქციაა, როგორც ზოგადად საერთაშორისო სამართალი. რუსეთი დემონსტრაციულად აუქმებს თანამედროვე მსოფლიო წესრიგის ძირითად საყრდენებს, არღვევს როგორც კანონებს, ისე ბირთვული შეკავების ხელშეკრულებებს. მეტიც, დროდადრო „რუსეთის ოფიციალური წარმომადგენელი“ გამოდის საჯაროდ და კამერის წინ შეღონებული სახით პირდაპირ იმუქრება: ჩვენ გვაქვს ბირთვული იარაღი და შეგვიძლია მისი გამოყენება არაბირთვული ქვეყნის წინააღმდეგ“. ამავე დროს, რუსეთის სხვა წარმომადგენლები ღიად ნაღმავენ დაკავებულ ბირთვულ ობიექტს და ცინიკურად იმუქრებიან მისი აფეთქებით. საპასუხოდ, სასიკვდილო დუმილი. დავუბრუნდები თავდაპირველ კითხვას: რატომ გვჯერა, რომ მსოფლიოს აქვს გლობალური ბირთვული უსაფრთხოება? განა ყველაფერი კეთილ ნებას და ჩვენს გულწრფელ ილუზიებს არ ეფუძნება?", - წერს მიხაილო პოდოლიაკი.რუსეთის მხრიდან ბირთვული იარაღის შესაძლო გამოყენებისა და ზაპოროჟიეს ატომური სადგურის აფეთქების საფრთხეზე უკრაინის პრეზიდენტმა, ვოლოდიმირ ზელენსკიმ განცხადება არაერთხელ გააკეთა. მისი თქმით, "მსოფლიოს ყველა ქვეყანა" მზად უნდა იყოს იმისათვის, რომ ვლადიმერ პუტინმა შესაძლოა, უკრაინის წინააღმდეგ ომში ბირთვული იარაღი გამოიყენოს.