მე შემატყობინეს, რომ ჩვენი ოპოზიცია გაიქცა პარლამენტის დარბაზიდან, რომ მიეხმარონ ბატონ ქურქუმალ ვაითს, როგორც იგი თავად უწოდებს დღეს თავს. სამწუხაროა, რომ დღეს ჩვენ არ გვყავს წარმოდგენილი ოპოზიცია, რომელმაც ძალიან ბევრი კითხვა დამისვა და კითხვებზე პასუხების მოსასმენად დარბაზში აღარ დაგვხვდნენ, შესაბამისად, მე ვიტოვებ უფლებას, რომ მათ აბსურდულ კითხვებს და მით უმეტეს შეურაცხყოფებს არ ვუპასუხო. მე მინდა გითხრათ, რომ საზოგადოებისთვის მაინც შეიძლება გავაკეთო რამდენიმე მათ გამონათქვამზე რეაგირება, რომ არ დარჩეს განცდა იმისა, რომ, ჩვენ რაიმე კითხვას გავურბივართ.