უკრაინის ქალაქ კრივოი როგში საცხოვრებელ კორპუსზე რუსული სარაკეტო თავდასხმის შედეგად სულ ცოტა 3 ადამიანი დაიღუპა, 25 დაიჭრა. დნეპროპეტროვსკის რეგიონის სამხედრო ადმინისტრაციის ხელმძღვანელის, სერგეი ლისაკის ცნობით, დაჭრილებიდან 19 საავადმყოფოშია გადაყვანილი. დაზიანდა სამოქალაქო ობიექტები. ლისაკის თქმით, ქალაქის თავზე საჰაერო თავდაცვამ სამი ფრთოსანი რაკეტა ჩამოაგდო. 

"პირველიდან მეხუთე სართულამდე ბინები იწვის. ხანძარმა 700 კვადრატული მეტრი ფართობი მოიცვა. მაშველები მუშაობენ", - ნათქვამია ქალაქის მერის განცხადებაში.

მისი თქმით, 4 ადამიანი დაშავდა ქალაქის სხვა ადგილასაც, სადაც ცეცხლი შენობას და მანქანას გაუჩნდა. კრივოი როგზე თავდასხმებს უკრაინის პრეზიდენტი Telegram-ზე გამოეხმაურა და დაღუპულების ოჯახებს მიუსამძიმრა:

"მეტი ტერორისტული რაკეტები, რუსი მკვლელები აგრძელებენ ომს საცხოვრებელი კორპუსების, ჩვეულებრივი ქალაქებისა და ხალხის წინააღმდეგ“, - თქვა მან.