"ყველანაირ ორიენტაციაში ვგულისხმობ პოლიტიკურს, თუმცა არამარტო..." | კობახიძე ახალგაზრდებზე
"ქართული ოცნების" თავმჯდომარე, ირაკლი კობახიძე კიდევ ერთხელ უწოდებს ახალგაზრდებს "ორიენტაციაარეულს". კობახიძის თქმით, ის ამ ტერმინში პოლიტიკურ და "სხვა ტიპის ორიენტაციას" გუსლისხმობს.
10 ივნისს თსუ-ში ახალგაზრდებმა პროტესტის ნიშნად ირაკლი კობახიძე რუსული რუბლები დააყარეს. მომხდარს მმართველი გუნდის თავმჯდომარე ჟურნალისტებთან გამოეხმაურა და თქვა, რომ ახალგაზრდებს "ორიენტაცია აქვთ არეული":
"აქ საუბარი იყო კონკრეტულ ახალგაზრდებზე, რომლებსაც მართლა ყველანაირი ორიენტაცია აქვთ არეული. ყველანაირ ორიენტაციაში, პირველ რიგში, რა თქმა უნდა, ვგულისხმობ პოლიტიკურ ორიენტაციას, თუმცა არამარტო, სხვა ტიპის ორიენტაციაც იგულისხმება. მათ პირველ რიგში აქვთ პოლიტიკური ორიენტაციის პრობლემა, თუმცა ეს პოლიტიკური ორიენტაციის პრობლემა სხვა ორიენტაციასთან არის პირდაპირ დაკავშირებული.ჟურნალისტის კითხვაზე, არის თუ არა მისი განცხადებები დისკრიმინაციული, კობახიძე ამბობს, რომ "არ არის".
ერთი რამ მინდა ვთქვა, ცდილობენ, რომ ეს ახალგაზრდები გააიგივონ ჩვენს ახალგაზრდობასთან ზოგადად. მე მინდა გითხრათ, რომ ჩვენს ქვეყანას ჰყავს ღირსეული ახალგაზრდობა, გამორჩეული ახალგაზრდობა და ამ კონკრეტულ ადამიანებზე ქართული ახალგაზრდობის დაყვანა არის დიდი სირცხვილი და ესაა დაუშვებელი. ეს ახალგაზრდები, კონკრეტული ადამიანები, რომლებსაც აქვთ არეული ორიენტაცია არ არიან, რა თქმა უნდა, ჩვენი ღირსეული ჯანსაღი ახალგაზრდობა", - თქვა კობახიძემ.
10 ივნისს თსუ-ში ახალგაზრდებმა პროტესტის ნიშნად ირაკლი კობახიძე რუსული რუბლები დააყარეს. მომხდარს მმართველი გუნდის თავმჯდომარე ჟურნალისტებთან გამოეხმაურა და თქვა, რომ ახალგაზრდებს "ორიენტაცია აქვთ არეული":
"მე მგონია, რომ ეს ადამიანები უნდა მოექცნენ სწორ რელსებზე, საჭიროა, რომ ბიჭებმა ცოლები მოიყვანონ, გოგოები დაქორწინდნენ, გამრავლდნენ და ა.შ. მათი ყველანაირი ორიენტაცია, პოლიტიკურიდან დაწყებული, უნდა გამოსწორდეს", - თქვა კობახიძემ 10 ივნისს.