უკრაინის შეიარაღებულ ძალებს ჯერ არ დაუწყიათ დაგეგმილი კონტრშეტევა რუსეთის მიერ ოკუპირებული ტერიტორიების დასაბრუნებლად, მაგრამ მისი დასაწყისი აშკარა იქნება ყველასთვის - აცხადებს უკრაინის ეროვნული უსაფრთხოებისა და თავდაცვის საბჭოს მდივანი ოლექსი დანილოვი Reuters-თან. 
დანილოვმა უპასუხა რუსეთის ხელისუფლების განცხადებებს, რომ უკრაინამ უკვე დაიწყო კონტრშეტევა.
"ეს ყველაფერი სიმართლეს არ შეესაბამება. როცა ეს ყველაფერი დაიწყება, ჩვენი სამხედროები გადაწყვეტენ. როცა კონტრშეტევას დავიწყებთ, ამას ყველა გაიგებს და ნახავს." - ამბობს ის. 
მტერი დიდი ხანია გვპირდება დიდ კონტრშეტევას.
და როგორც ჩანს, რაღაც უკვე დაიწყო - ეს განცხადება დღეს, რუსეთის უსაფრთხოების საბჭოს ხელმძღვანელის მოადგილემ, დიმიტრი მედვედევმა გაავრცელა და ამტკიცებდა, რომ "კიევის რეჟიმი" იძულებულია ასე მოიქცეს და ამით გაამართლოს დასავლური დახმარებები, წინააღმდეგ შემთხვევაში "ამერიკელი აგენტები" მათ "ფულის ფლანგვაში დაადანაშაულებენ".