რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც რეგიონებში, სადაც საომარი მდგომარეობა მოქმედებს, არჩევნებისა და რეფერენდუმების ჩატარების საშუალებას იძლევა, - ინფორმაციას რუსული მედია ავრცელებს.
მათივე ინფორმაციით, აღნიშნულ რეგიონებში არჩევნების დანიშვნის შესახებ საბოლოო გადაწყვეტილებას ცესკო თავდაცვის სამინისტროსთან და უშიშროების ფედერალურ სამსახურთან კონსულტაციების შემდეგ მიიღებს.
„საკანონმდებლო ცვლილებები რუსეთის ახალ რეგიონებში სექტემბერში კენჭისყრის ჩატარებას და იქ ხელისუფლების საკანონმდებლო ორგანოების და მუნიციპალიტეტების წარმომადგენლობითი ორგანოების ფორმირებას შესაძლებელს გახდის“, - წერს რუსული მედია.
შეგახსენებთ, უკრაინის ოთხი რეგიონის დონეცკის, ლუგანსკის, ზაპოროჟიესა და ხერსონის ოლქების ანექსიას 2022 წლის სექტემბრის ბოლოს მოაწერა ხელი, 19 სექტემბერს კი ამ რეგიონებში საომარი მდგომარეობა გამოაცხადა.