გოცირიძე – ღარიბაშვილი საზღვარგარეთ რუსეთის ემისარი და ელჩი გახდა
ირაკლი ღარიბაშვილის მავნებლური განცხადებები ქვეყნის ფარგლებს გასცდა – ის საზღვარგარეთ რუსეთის ემისარი, რუსეთის ელჩი გახდა! – ასე ეხმაურება პარლამენტის ოპოზიციონერი წევრი რომან გოცირიძე კატარში მიმდინარე ეკონომიკურ ფორუმზე საქართველოს პრემიერ-მინისტრის ირაკლი ღარიბაშვილის მიერ გაკეთებულ განცხადებებს.
გოცირიძის თქმით, აპირებს ღარიბაშვილის ყველა მავნებლური განცხადების შეკრებას და მის ანტინობელზე წარდგენას.
გოცირიძის შეფასებით, ის ანტინობელის სერიოზული კანდიდატია.
„თუკი ღარიბაშვილი აქამდე ომით საქართველოს მოქალაქეებს აშინებდა და მსგავსი რიტორიკით უცხოელ პარტნიორებთან საუბარს ვერ ბედავდა, საზღვარგარეთ უკვე რუსეთის ემისარი, რუსეთის ელჩი გახდა. მან პირველი ტესტი უნგრეთში გააკეთა, როცა სიტყვით ოდიოზურ ფორუმზე გამოვიდა. ახლა კი ეკონომიკურ ფორუმზე, რომელიც ძალიან სერიოზული ფორუმია და სადაც ქვეყანაში უცხოური ინვესტიციების მოზიდვაზე უნდა იზრუნონ, პირდაპირ პრორუსულ, ანტიქართულ, ანტიუკრაინულ, ანტიდასავლურ განცხადებებს აკეთებს. ასეთი შინაარსის განცხადებებით რუსეთთან ახლოს მდგომი არც ერთი ქვეყნის ლიდერი არ საუბრობს. არასდროს ასეთ რამეს სომხეთის პრეზიდენტი არ იტყვის. მსგავსს განცხადებებს არასდროს გააკეთებს ყაზახეთის პრეზიდენტი. არის ორად-ორი ადამიანი, ვინც ასეთი მესიჯებით საუბრობს – ეს არიან ლუკაშენკო და პუტინი. პრემიერ მინისტრი ამბობს, რომ უკრაინას საქართველოს ომში ჩართვა უნდა, წარმოგიდგენიათ, რომ საქართველო თავს დაესხას რუსეთს – სოჭი უნდა ავიღოთ, სოხუმი და ცხინვალი?! ეს იმდენად აბსურდულია, რომ არც ერთი წესიერი პოლიტიკოსი ასეთ განცხადებას არ გააკეთებს. ირაკლი ღარიბაშვილს საკუთარი აზრის გამოთქმის უფლება არა აქვს – რასაც ივანიშვილი ჩასძახებს, ამოსძახებს ღარიბაშვილი. საუბედუროდ, ეკონომიკის მსოფლიო ფორუმზე ამოსძახა. მარტო იმ განცხადებით, რომ უკრაინას საქართველოს ომში ჩართვა უნდა, ამ კაცს ანტინობელი გარანტირებული აქვს“, – განაცხადა რომან გოცირიძემ.
გოცირიძის თქმით, აპირებს ღარიბაშვილის ყველა მავნებლური განცხადების შეკრებას და მის ანტინობელზე წარდგენას.
გოცირიძის შეფასებით, ის ანტინობელის სერიოზული კანდიდატია.
„თუკი ღარიბაშვილი აქამდე ომით საქართველოს მოქალაქეებს აშინებდა და მსგავსი რიტორიკით უცხოელ პარტნიორებთან საუბარს ვერ ბედავდა, საზღვარგარეთ უკვე რუსეთის ემისარი, რუსეთის ელჩი გახდა. მან პირველი ტესტი უნგრეთში გააკეთა, როცა სიტყვით ოდიოზურ ფორუმზე გამოვიდა. ახლა კი ეკონომიკურ ფორუმზე, რომელიც ძალიან სერიოზული ფორუმია და სადაც ქვეყანაში უცხოური ინვესტიციების მოზიდვაზე უნდა იზრუნონ, პირდაპირ პრორუსულ, ანტიქართულ, ანტიუკრაინულ, ანტიდასავლურ განცხადებებს აკეთებს. ასეთი შინაარსის განცხადებებით რუსეთთან ახლოს მდგომი არც ერთი ქვეყნის ლიდერი არ საუბრობს. არასდროს ასეთ რამეს სომხეთის პრეზიდენტი არ იტყვის. მსგავსს განცხადებებს არასდროს გააკეთებს ყაზახეთის პრეზიდენტი. არის ორად-ორი ადამიანი, ვინც ასეთი მესიჯებით საუბრობს – ეს არიან ლუკაშენკო და პუტინი. პრემიერ მინისტრი ამბობს, რომ უკრაინას საქართველოს ომში ჩართვა უნდა, წარმოგიდგენიათ, რომ საქართველო თავს დაესხას რუსეთს – სოჭი უნდა ავიღოთ, სოხუმი და ცხინვალი?! ეს იმდენად აბსურდულია, რომ არც ერთი წესიერი პოლიტიკოსი ასეთ განცხადებას არ გააკეთებს. ირაკლი ღარიბაშვილს საკუთარი აზრის გამოთქმის უფლება არა აქვს – რასაც ივანიშვილი ჩასძახებს, ამოსძახებს ღარიბაშვილი. საუბედუროდ, ეკონომიკის მსოფლიო ფორუმზე ამოსძახა. მარტო იმ განცხადებით, რომ უკრაინას საქართველოს ომში ჩართვა უნდა, ამ კაცს ანტინობელი გარანტირებული აქვს“, – განაცხადა რომან გოცირიძემ.